ಒಳಗೆ ಏನಿದೆ?

ಒಳಗೆ ಏನಿದೆ?

ನಗುಮುಖದ ಒಳಗೆ ಏನಿದೆ?

ಬರೀ ದುಗುಡ ಚಿಂತೆ ಬಿಗುಮಾನ

ಹೊರನೋಟಕ್ಕೆ ಕಾಣಿವುದು

ಬರೀ ಪೋಷಾಕುಗಳ ಬಣ್ಣ

ಆದರೆ............

ಆ ಪೋಷಾಕಿನ ಒಳಗಿರುವ

ಒಳವಸ್ತ್ರ ಹರಿದಿದೆ ನೋಡಿ

ಅದನ್ನು ಕಾಣದಂತೆ ಮರೆಮಾಚುವ 

ಯತ್ನ ನಡೆದಿದೆ ಕಾಣಿ

ಹೀಗೆ ನಡೆದಿದೆ ಈ ಜಗತ್ತು

ಪಕ್ಕದ ಮನೆಯವರ ಕುಶಲವ ಬಿಡಿ

ಅವರ ಪರಿಚಯ ಇರುವುದೇ ಕೇಳಿ ನೋಡಿ

ಬಣ್ಣ ಬಣ್ಣದ ವಿಚಿತ್ರ ಸ್ವರೂಪದ

ವಾಹನದ ಮೋಡಿ ಈ ಜನಕ್ಕೆ

ಹಿಡಿದಿದೆ ಸಮೂಹ ಸನ್ನಿ

ಮಾರನೇಯ ದಿನ ಪೆಟ್ರೋಲು ಹಾಕಲು

ಕಾಸಿಲ್ಲ- ಆ ಮಾತು ಬೇರೆ ಬಿಡಿ

ನೋಡಿ ಹೀಗಿದೆ ನಮ್ಮ ಜಗತ್ತು

ಹೇಳಿ ಹೇಗಿದೆ ನಮ್ಮ ಜಗತ್ತು 

ನಾನು ಪ್ರಶಾಂತ ಪಟಗಾರ